ШУТИС.Барилга, архитектурын сургууль, Барилгын эрчим хүч хэмнэлтийн төв, Монголын барилгын инженерүүдийн холбоо хамтран 2 жил тутам уламжлал болгон зохион байгуулдаг "ДХАСК-ДАЧ Улаанбаатар 2022” буюу Дулаан хамгаалалт, Халаалт, Агаар сэлгэлт, Кондиционер, Дотор агаарын чанар конференци 2022.04.28-ны өдөр амжилттай боллоо.

Энэхүү конференцийн үеэр ШУТИС.Барилга, архитектурын сургууль, “Монголын барилгын инженерүүдийн холбоо” –той хамтран ажиллах санамж бичигт гарын үсэг зурлаа.

Санамж бичгийн зорилго, ерөнхий нөхцөлд талууд барилгын салбарт бэлтгэгдэж буй инженерүүд болон салбарт ажиллаж буй инженерийн тасралтгүй мэргэжил дээшлүүлэх тогтолцоог хөгжүүлэх, хэрэгжүүлэхэд харилцан хамтарч ажиллахыг онцолжээ.