2024 оны 2-р сарын 05-ны өдөр Өмнөговь аймгийн засаг даргын санаачилгаар “ГОВИЙН ИНЖЕНЕРҮҮДИЙН АНХДУГААР ЧУУЛГА УУЛЗАЛТ” Өмнөговь аймагт амжилттай зохион байгуулагдлаа. ШУТИС-ийн салбар сургуулийн төлөөлөл нийт 20 гаруй багш оролцож салбар сургуулиа танилцуулж тус бүрийн хийж буй судалгаа шинжилгээ, хэрэгжүүлж болох төсөл хөтөлбөрийн талаар илтгэл хэлэлцүүлэв. Өмнөговь аймаг болон ШУТИС-ийн харьяа Технологийн дээд сургууль түүний дэргэдэх шинжлэх ухаан, инноваци технологийн салбар зөвлөлтэй (ШУТСЗ) хамтарч ажиллах боломжийн талаар санал солилцлоо. Дашрамд дурдахад тус  салбар зөвлөл нь хуралтай зэрэгцээд аймгийн иргэдийн төлөөлөгчдийн хурлаар батлагдаж үйл ажиллагаа явуулах, төсөв санхүү захиран зарцуулах эрхээ авлаа. ШУТИС-БАС-ийн ахлах багш Т.Мөнх-Өнөр, Н.Насанбаяр, С.Ууганбаяр нар зурагт үзүүлсэн  хөтөлбөрт багтсан агуулга, сэдвээр илтгэл тавьж оролцлоо.

Хурлын өмнө Өмнөговь аймгийн засаг дарга аймагт хийгдэж буй бүтээн байгуулалт, аймгийн өнөөгийн төлөв байдлын талаар товч танилцуулга хийснээс онцлох мэдээллийг товчилж хүргэж байна.  Өмнөговь аймагт үйлдвэрлэлийн парк байгуулж байгаа. Үүний хүрээнд цахилгаан станц, цэвэрлэх байгууламжтай болсон. Оёдлын үйлдвэр, хог боловсруулах үйлдвэр, арьс ширний үйлдвэр байгуулсан. Бэлчээр усжуулалтын төсөл хөтөлбөр хэрэгжээд явж байгаа. Өнгөрсөн 3 жилийн хугацаанд 200 гаруй усжуулалтын ажил, худаг суваг хийсэн. Мөн сүүлийн 30 жил хийгдэж байгаагүй том цөөрөм хийж байгаа. Хүнсний ногоо тариалах ажлыг аймгийн хэмжээнд хэрэгжүүлж байгаа, 9 суманд сүүлийн үеийн хүчин чадалтай трактор өгсөн. Сум болгонд мал угаалгын ванн байгуулж өгсөн. Малын гаралтай түүхий эд дээр шинжилгээ хийх бүрэн хүчин чадалтай лаборатори байгуулж байгаа. Аймгийн хэмжээнд 34 үйлдвэр шинээр байгуулах, 54 үйлдвэрт өргөтгөл хийж нийт 630 хүний ажлын байр бий болгосон. Утаа шатаадаг зуух авч 600 гаруй айлд тараасан, энэ нь агаарын бохирдлыг бууруулсан. Мөн цахилгаанаар халаах хөтөлбөр хэрэгжүүлсэн. Одоо гэр хорооллын дэд бүтцийг хөгжүүлэх тал дээр цэвэр бохир усны шугамыг байгуулж байгаа. 5 тэрбум төгрөгийн хөрөнгө оруулалт хийж камержуулалтын ажил хийж байгаа. 2 төмөр замын сүлжээ барьсан гэх мэт аймагт хийж байгаа ажлаа танилцуулав. Аймгийн засаг даргын хувьд эрдэмтэн судлаачдыг маш их дэмжиж хамтарч ажиллахад бэлэн гэдгээ илэрхийллээ. 

Хурлын дараа салбар бүрийн төлөөлөл тулгамдсан асуудлаар дугуй ширээний ярилцлага хийлээ.

Уулзалтын хүрээнд салбарын хүний нөөцийг нэмэгдүүлэх чадавхжуулах хүрээнд одоо байгаа нөхцөл байдлын талаар ТДС-н захирал дараах мэдээллийг хүргэлээ. 

• Инноваци технологийн салбар зөвлөл 2021 онд хэсэг эрдэмтдийн хамт байгуулсан энэ жил батлагдсан. 
• Дээд сургуулийн хүрээнд оюутнуудыг 100 хувь тэтгэлгээр сургадаг. Аймгийн засаг дарга үйл ажиллагааны зардал 300 сая төгрөг, оюутны тэтгэлэгт 500 сая төгрөг өгсөн.
• Өмнөговьд ХАА чиглэлийн коллеж байсан, уул уурхайн чиглэлийн сургууль болгоё гэж чиглэл барьж ажиллаж байгаа. Эрчим хүч мэдээллийн технологи гэсэн анги байгаа. Улсын хэмжээнд элсэлт авахаар 5  хүүхэд элсээд 3 оюутан элсдэг хүндрэлтэй. Уул уурхайд хэрэгтэй мэргэжлийн хэрхэн нутагшуулах талаар судалгаа хийхэд одоо байгаа мэргэжил дээр барилга, механик, ХААБ гэж нэмж оруулаад байгаа. Барилга, механикийн инженер бэлтгэх шаардлага байгаад байгаа. Өнгөрсөн жил 1+3 гэж хөтөлбөр хэрэгжүүлсэн. Эргүүлээд ажиллах бололцоо нь байсан ч хүүхдүүд ойлгосонгүй. Яамнаас 2+2 хөтөлбөрийг дэмжиж байгаа, нөөц байгаа багшлах боловсон хүчнийг бэлтгэх боломж байгаа. Энэ асуудал гарч ирж байгаа нь тулгамдсан асуудлаа ярьж байгаа. Хөтөлбөр нь ШУТИС-н 100 хувь хөтөлбөрөөр явдаг. Үе шаттай бэлдэхгүй бол хотод байгаа багш нар хүрч ажиллаж чадахгүй боловсролын чанар унагах вий гэсэн болгоомжлол байгаа. Сургууль нэгтгэсэнтэй холбоотой барилгын шаардлагатай ангийг авах шаардлагатай болоод байх шиг байгаа юм. Инженерийн боловсрол өөрөө өртөг өндөр дагасан лаб байгуулах шаардлагатай боловч маш өндөр зардалтай. Гэтэл түүнийгээ ашиглахгүй байгаа. Хүсэлт гэвэл 1+3, 1+2 болоод ирэхээр сайн ажиллахгүй бол хүүхдүүд хотруу явах сонирхолтой бид энд үлдээд байх магадлалтай болчих гээд байгаа юм. 
• Сүүлийн 3 жилийн судалгаагаар Инженер дутагдалтай байгаа. ТДС байгуулагдаад 2 жил болж байгаа. Шаардлагатай мэргэжлээр элсэлт авья. Санал тавиад 1+3 хэрэгжихээр болсон гэж өмнө хэлсэн. Магистр дээр ӨМ дээр магистр бие дааж явуулах боломжгүй. Сургалтын албаны чиг үүргийг эндээс хийж өгөх бололцоотой хэрэв хоёр сургууль тохиролцоод болно гэх юм бол. Оройн ангийг онлайн байдлаар тохижуулах бас бүрэн боломжтой гэсэн. Бид БАС-тай зайлшгүй холбоотой ажиллах шаардлагатай байгаа. Эчнээ 8 хүүхэдтэй байж байгаад 18 болсон эрчим хүчний салбар дээр. Энд хэрэв бэлдвэл санхүүгийн алдагдлаа үүрье гэж байгаа юм. 30+ 5 гэдэг хөтөлбөр орж ирсэн. Ийм оюутнууд ЭЕШ өгөлгүйгээр элсэнэ гэсэн боломж нээж өгч байгаа зэрэг асуудлаар санал солилцлоо.

Уулзалтын хүрээнд Ахлах багш Т.Мөнх-Өнөр дараах мэдээллийг хүргэлээ.

• ШУТИС-БАС нь бакалавр, магистр, докторын хөтөлбөртэй. Өнгөрсөн жилээс мэргэжлийн, судлаач гэх хоёр чиглэлээр магистр бэлтгэж байгаа. Энэ хүрээнд Эрдэнэт хотын Эрдэнэт үйлдвэрийн барилгын инженерүүдийн мэргэжлийн магистрт суралцах хүсэлтийг үндэслэн БАС нь зайнаас суралцах боломжийг олгож хамтарч ажиллаж байгаа. Өмнөговь аймагт магистрт суралцах хүсэлтэй хэд хэдэн хүн байгаа гэлээ. Хэрэв аймагийн хэмжээнд нэгдсэн журмаар зохион байгуулбал манай сургууль Эрдэнэт үйлдвэрт хэрэгжүүлж байгаа туршлагыг танай аймагт хэрэгжүүлэхэд бэлэн байна.
• Аймгийн хэмжээнд баригдсан барилга байгууламжийг паспортжуулах тал дээр манай сургуулийн судалгааны төв хамтарч ажиллах боломжтой.
• ТДС-н элсэгчдийн тоог нэмэгдүүлэх цаашлаад БАС-ийн элсэгчдийн тоог нэмэгдүүлэх тал дээр 1+3 хөтөлбөрийг дэмжиж ажиллахаа сургуулийн удирдлагад уламжилна.

Уулзалтын хүрээнд Ахлах багш С.Ууганбаяр дараах мэдээллийг хүргэлээ.

• Барилгын материал чанарын хяналт тал дээр сургуулийн зүгээс хамтарч ажиллах боломжуудыг мэдээлэв. Ялангуяа орон нутгаас хэрэглэж байгаа хайрга дайрга дээр судалгаа хийж чанарын дүгнэлт, орц найрлагын зохистой харьцааг зөв тодорхойлж өгөх боломжтой, энэ хүрээнд магистрын судалгааны ажил хийж болно.

Аймгийн барилгын хөгжлийн төвийн хэлтсийн дарга н.Даваатай Оюу-Толгойн гүний уурхайтай танилцах аялал хийж болох талаар санал солилцов. Энэ хүрээнд БАС-ийн багш нар хүсэлт гаргах юм бол татгалзах зүйл үгүй очоод уулзаад төлөвлөгөө гаргах боломжтой гэв.

Уулзалтын хүрээнд мөн ШУТИС дотроо сургууль хоорондын туршлага солилцох, цаг үеийн байдалтай танилцах талаар эрэлхийлж энэ хүрээнд МТС-ийн металл судлалын лабораторийн үйл ажиллагаатай танилцаж туршлага судлах талаар МТС-ийн багш н.Жавхлантай төлөвлөгөө гаргаж ажиллах талаар хэлэлцлээ. 

Өмнөговь аймаг