ШИНЖЛЭХ УХААН, ТЕХНОЛОГИЙН ИХ СУРГУУЛЬ

“УСНЫ ШИНЖЛЭХ УХААН БА ИНЖЕНЕРЧЛЭЛ - 2023” олон улсын эрдэм шинжилгээний хурлын удирдамж

2023-01-10 15:09 davaatsetseg

Монгол улсад усны дээд боловсролтой инженер бэлтгэж эхэлсний 60 жилийн ойн хүрээнд зохион байгуулж буй “УСНЫ ШИНЖЛЭХ УХААН БА ИНЖЕНЕРЧЛЭЛ - 2023” олон улсын эрдэм шинжилгээний хурлын удирдамж

Хурлын танилцуулга: Монгол улсад усны инженер бэлтгэж эхэлсний 60 жилийн ойд зориулан “УСНЫ ШИНЖЛЭХ УХААН БА ИНЖЕНЕРЧЛЭЛ - 2023” эрдэм шинжилгээ, онол практикийн олон улсын анхдугаар хурлыг ШУТИС-ийн Барилга Архитектурын Сургууль, ЮНЕСКО-гийн Газрын доорх усны тогтвортой менежментийн тэнхимтэй хамтран зохион байгуулж байна.

Хурлын зорилго: Энэхүү олон улсын эрдэм шинжилгээний хурал нь Ус ба Хүрээлэн буй орчны инженерчлэлийн чиглэлээр судалгаа, шинжилгээний ажлыг хийж гүйцэтгэдэг гадаадын болон дотоодын байгууллага, эрдэмтэн судлаачдын ололт, амжилт, туршлагаасаа хуваалцах, мэдлэгээ харилцан солилцох таатай боломжийг бий болгохоос гадна Монгол улсын хөгжилд усны шинжлэх ухаан ба усны инженерчлэлийн бүтээн байгуулалтын оруулах хувь нэмэр, чиг хандлагыг тодорхойлоход оршино.

Хурлын хамрах хүрээ: Ус ба хүрээлэн буй орчны инженерчлэлийн чиглэлээр үйл ажиллагаа явуулж буй гадаад дотоодын төрийн байгууллагууд, их, дээд сургууль, эрдэм шинжилгээ, инженерийн зөвлөх үйлчилгээний байгууллагууд, эрдэмтэн, судлаачид, инженерүүд, мэргэжилтнүүд, дээрх чиглэлээр суралцаж буй доктор, магистр оюутнууд.

Хурлын зохион байгуулалт:

Хурлыг 2023 оны 4-р сарын 21-ны өдөр ШУТИС-ийн 8-р байрны 12 давхрын хурлын танхимд 8:30 – 18:00 хооронд зохион байгуулна.
Хурал нь танхим болон цахим хэлбэрээр хослон явагдана.
Хурал нь үндэсний болон олон улсын хуралдаан гэсэн хоёр хэсэгтэй байна.
Үндэсний хэсэг нь Монгол хэлээр, Олон улсын хэсэг нь Англи хэлээр явагдана.
Хуралд оролцогчид (илтгэгчид болон зочид) 2023 оны 3-р сарын 1-ны дотор (https://forms.gle/qcXey1hKJ5RtvMgf7) холбоосоор бүртгүүлнэ. Зөвхөн бүртгүүлсэн оролцогчид хуралд оролцоно.

Хурлын урьдчилсан хөтөлбөр

Цаг	Үйл ажиллагаа
Үндэсний хуралдаан (Монгол хэлээр) 8:30 ~ 13:00
8:30 – 9:00	Бүртгэл
9:00 – 9:10	Хурлын нээлт: Хурлын дарга
9:10 – 9:20	Монгол улсын засгийн газрын хэрэгжүүлэгч агентлаг усны газрын мэндчилгээ
9:20 – 9:30	ШУТИС-ийн захирлын мэндчилгээ
9:30 – 9:40	ШУТИС, БАС-ийн захирлын мэндчилгээ
Завсарлага (Дурсгалын зураг, цай) 9:40 ~ 10:00
10:00 – 11:20	Эрдэм шинжилгээний илтгэлүүд (Сонгогдсон 4-н илтгэл)
Завсарлага (Үзэсгэлэн, Ханын илтгэл, цай) 11:20 ~ 11:40
11:40 – 13:00	Эрдэм шинжилгээний илтгэлүүд (Сонгогдсон 4-н илтгэл)
Үдийн цайны завсарлага 13:00 ~ 14:00
Олон улсын хуралдаан (Англи хэлээр) 14:00 ~ 18:00
14:00 – 14:05	Хурлын танилцуулга, дэг: Хурлын дарга
14:05 – 14:20	Мэндчилгээ: ШУТИС -ийн Гадаад харилцаа, нийгмийн түншлэлийн алба
14:20 – 14:40	Мэндчилгээ: ЮНЕСКО-гийн Газрын доорх усны тогтвортой менежментийн тэнхим
14:40 – 15:00	Усны шинжлэх ухаан ба инженерчлэл: Монголын үзэл баримтлал
15:00 – 16:00	Эрдэм шинжилгээний илтгэлүүд (Сонгогдсон 3-н илтгэл)
Завсарлага (Үзэсгэлэн, Ханын илтгэл, цай) 16:00 ~ 16:20
16:20 – 17:40	Эрдэм шинжилгээний илтгэлүүд (Сонгогдсон 4-н илтгэл)
17:40 – 18:00	Хурлын хаалтын үйл ажиллагаа

Эрдэм шинжилгээ, онол-практикийн өгүүлэл, илтгэлд тавих шаардлага:

Өгүүлэл нь зохиогчийн болон оюуны өмчийн аливаа зөрчилгүй байна.
Өгүүллийг аль хэсэгт хэлэлцүүлэхээс хамааруулан Монгол болон Англи хэлээр хүлээн авна. Өгүүллийг 2023 оны 3 сарын 20 хүртэл mongolianhydro@gmail.com хаягаар хүлээн авна.
Өгүүллийг ШУТИС-ийн өгүүлэл бичих журмын дагуу боловсруулсан байна. (Журам татах: https://research.must.edu.mn/page/104)
Өгүүллийн үндсэн бүтэц нь удиртгал, арга зүй, үр дүн, хэлэлцүүлэг, дүгнэлт гэсэн хэсэгтэй байх ба бүтэц тодор нэг шатны дэд гарчигтай байж болно.
Хурлын өгүүлэлд хөндлөнгийн 1 хянан магадалгаа хийгдэнэ. Хянан магадалгааны шаардлага хангасан бүх өгүүлэл ШУТИС-ийн эрдэм шинжилгээний бүтээлийн тусгай дугаарт хэвлэгдэнэ.
Хуралд хэлэлцэгдэх өгүүллийн илтгэлийн хугацаа 15 минут, асуулт хариулт 5 минут байна.

Хурлын үр өгөөж

Энэхүү эрдэм шинжилгээний хуралд оролцсоноор танд дараах үр өгөөжийг хүртэнэ. Үүнд:

Хуралд оролцох хэлбэр	Үр өгөөж
Эмхэтгэлд өгүүлэл хэвлүүлэх	Бүтээлээ ШУТИС-ийн эрдэм шинжилгээний бүтээлийн эмхэтгэлд хэвлүүлнэ. Хурлын эмхэтгэл хүлээн авна.
Хурлын эмхэтгэлд өгүүлэл хэвлүүлж илтгэл хэлэлцүүлэх	Судалгааны ажлын үр дүнгээ хуваалцана. Эрдэм шинжилгээ, технологийн сүүлийн үеийн мэдлэг, мэдээлэл олж авна. Барилгын инженерийн давтан сургалтын сонгон судлах 1 багц цагийн гэрчилгээ авна. Усны барилга байгууламжийн инженерийн давтан сургалтын заавал судлах 1 багц цагийн гэрчилгээ авна. Бүтээлээ ШУТИС-ийн эрдэм шинжилгээний бүтээлийн эмхэтгэлд хэвлүүлнэ. Хурлын эмхэтгэл хүлээн авна. Танилын хүрээгээ нэмэгдүүлнэ. Хурлын үеэрх бусад үйл ажиллагааны үр өгөөж
Хуралд зочноор оролцох	Эрдэм шинжилгээ, технологийн сүүлийн үеийн мэдлэг, мэдээлэл олж авна. Барилгын инженерийн давтан сургалтын сонгон судлах 1 багц цагийн гэрчилгээ авна. Усны барилга байгууламжийн инженерийн давтан сургалтын заавал судлах 1 багц цагийн гэрчилгээ авна. Хурлын эмхэтгэл хүлээн авна. Танилын хүрээгээ нэмэгдүүлнэ. Хурлын үеэрх бусад үйл ажиллагааны үр өгөөж